હવે હું આપને ઉમરેઠ ના હવેલી મંદિરમાં યોજાયેલા મનોરથનાં દર્શન કરાવું છુ.. અને ખરેખર આપ અભિભૂત થઇ જશો..

મોટા મંદિર નાં અલભ્ય દર્શન..

ગોકુલ ચન્દ્રમાજીના મંદિરના વિવાહ ખેલ મનોરથ ના દર્શન..

આશા રાખું છુ કે આપ સૌને હું અલભ્ય લાભ આપી રહ્યો છુ..
આમ પણ પ્રભુની માફી સાથે આ ફોટા આપ સુધી પહોચાડી રહ્યો છુ ..કારણકે મંદિરમાં ફોટા પાડવાની મનાઈ છે.. પરંતુ . ખબર નહિ .. હું મારા હાથ અને કેમેરાને કંટ્રોલ કરી શક્યો નહિ.. અને આ ફોટા આપના માટે.. અને આ બ્લોગ માટે પાડીને . લાવ્યો છુ..

આની જે સજા હોય તે મારા માટે .સ્વીકારીશ.. પરંતુ પ્રભુના દર્શનનો લાભ વૈષ્ણવોને કરાવ્યો તેનો પણ આનંદ માનીશ …

જય શ્રી કૃષ્ણ..

અધિક માસ .. ( પુરુષોત્તમ માસ) એટલે શું..?

દરેક ગુજરાતી માસને પોતાનો આગવો દરજ્જો મળેલો છે. અને કહેવાય છે કે તે દરજ્જો પ્રભુ એ નક્કી કરેલો છે. શ્રીમદ ભાગવત ગીતામાં લખેલું છે કે દરેક માસની સામે .પુરુષોત્તમ માસ ( અધિક મહિનો) ને કોઈ દરજ્જો ન મળતા તે પ્રભુ પાસે જઈને વિનંતી કરવા લાગ્યો કે .. “પ્રભુ . એક તો હું ૩ વરસે એક વાર આવું છુ. તો મારું મહત્વ નથી. તદુપરાંત આપે મને કોઈ દરજ્જો આપ્યો નથી એટલે મારું મહત્વ તો રહેતું જ નથી.. ” એટલે પ્રભુએ તેને જણાવ્યું.. ” તું ભલે ૩ વરસે એક વાર આવે .. પણ તારું આગવું મહત્વ છે .. અને લોકો તને પુરુશોત્તમ માસ તરીકે ઓળખશે. અને તારો ભલે કોઈ દરજ્જો નથી. પરંતુ પુરુષોત્તમ માસ નિમિત્તે લોકો તારા દરેક દિવસ ને પોતાના આગવા ભક્તિભાવ સ્વરૂપે ઉજવશે. અને તારા દિવસોમાં ભક્તિભાવ કરનાર ને અનેકગણું ફળ મળશે.”

અને ખરેખર પુરૂશોત્તમ માસના દરેક દિવસને એક મનોરથ તરીકે ઉજવાય છે. તે માસ માં દરેક તિથીનું જે મહત્વ હોય તે રીતે જ ઉજવવામાં આવે છે. દાખલા તરીકે.. પુરુષોત્તમ માસની વદ આઠમને જન્માષ્ટમી તરીકે ઉજવીને મનોરથ કરવામાં આવે છે. તે જ રીતે વદ તેરસને શૈવપંથી શિવરાત્રી તરીકે ઉજવી જ શકે. સવાલ ફક્ત તમારી શ્રદ્ધાનો છે.

તાર્કિક રીતે જોવા જઈએ તો .. આખા વર્ષના ગ્રેગેરિયન કેલેન્ડર અનુસાર ( જે આપને રોજ વાપરીએ છીએ) વર્ષમાં ૩૬૫ દિવસ આવે છે. પરંતુ તેને જો ગુજરાતી કેલેન્ડર સાથે મેચ કરવામાં આવે તો . દરેક ગુજરાતી માસ ૩૦ દિવસનો જ હોય. તેમાં પણ ઘણી તીથીઓ નો ક્ષય હોય અથવા કોઈ તિથી ૨ વાર પણ આવતી હોય છે. .. પરંતુ . ૩૦ દિવસ પ્રમાણે દર વર્ષે તેના ૩૬૦ દિવસ ગણાય. આમ દર વર્ષે ૫ દિવસનું એડજસ્ટમેંટ કરવું જ પડે. એટલે ૩ વર્ષના ૧૫ દિવસ થાય. ઉપરાંત તીથીઓનો લોપ થતા . લગભગ ૩૦ દિવસ નો વધારો દરેક ૩ વર્ષે આવે.. અને તે કારણથી એક અધિક મહીનો મળે છે.

આમ ધાર્મિક અને તાર્કિક રીતે આપણને જે ૧ મહિનો વધારે મળે . તેમાં જેટલું ધાર્મિક કાર્ય કરી શકાય તેટલું કરવું તેવી પ્રણાલી છે. .. અને તે મહિનામાં કરતુ પુણ્ય વધારાનું ગણાય તેવી માન્યતા છે .

આવા અધિક માસમાં દર્શનનો લાભ મળે તે પણ અનન્ય હોય છે. અને આજ રોજ ઠાકુરજીને પણ ખૂબ જ લાડ લડાવવામાં આવતા હોય છે. આમ પણ પુષ્ટિમાર્ગમાં ઠાકુરજીને બાળક ભાવથી સેવા કરવામાં આવે છે એટલે જ વધારે લાડ લડાવવામાં આવતા હોય છે.

ઠાકોરજીના દર્શનનો અનન્ય લાભ..

આજ રોજ અધિક માસની ચૌદસ અને કાલે પૂનમ છે. આજે સોમવાર હોવાથી અમે ડાકોર ના ઠાકોર શ્રી રણછોડરાયજીના દર્શનનો અનન્ય લાભ લીધો. રચના , કુશલ અને યશસ્વી વેકેશન પર હોવાથી હું અને મમ્મી પપ્પા દર્શન માટે ગયા હતા. અને સાંજનો સમય હતો .. અને સ્વાભાવિક રીતે શયનના દર્શનનો જ સમય હતો. મંદિર માં ભીડ જોઈને એક વાર તો અંદર જવાની હિંમત ન ચાલી .. પણ થોડી વાર પછી ભીડ ઓછી થતા .. અમે અંદર દર્શન કર્યા. વાહ.. એકદમ અદભૂત દર્શન .. કારણકે દરરોજ આવા જ દર્શન હોય છે .. ભક્તો મશાલ લઈને ઉભા રહે છે. દરેક જણ મશાલની જ્યોત પકડીને પણ ધન્ય બને છે.. બધું જ.. પરંતુ વાત જયારે પુરુષોત્તમ માસની હોય ત્યારે..?? આ આનંદ બેવડાઈ જાય. અને વળી પાછુ . શયન ના દર્શન માં જે સમૂહ ગાન થાય છે.. ” તમે પોઢોને રણછોડરાય..” તેની થોડી ઘણી લાઈનો આવડે છે એટલે .. શ્રી રણછોડરાયજીના સન્મુખ થઈને તે ગાવાનો આનંદ .અને પુરુષોત્તમ માસ.. (મને કુશલ યાદ આવી ગયો..કારણકે તેને આ ગાન બહુ ગમે છે..)… ખરેખર ખૂબ સૂંદર દર્શન , અને સાથે સાથે મંદિરની પરિક્રમા તો ખરી જ .. વાહ..

ડાકોર થી પરત આવતા આવતા .. અમારા ઉમરેઠના હવેલી મંદિર માં “પુષ્પવિતાન ” મનોરથ હતો. ઉમરેઠમાં ૩ હવેલી મંદિર છે. એક મોટું મંદિર. બીજું શ્રી દેવકીનન્દ્જીનું અને ત્રીજુ મગનલાલજીનું . આ ત્રણે ય મંદિરના ઠાકોરજી એક જ ..”મોટા મંદિરમાં” બિરાજ્યા હતા.. અને .. લગભગ રાત્રે ૮ વાગ્યાનો દર્શનનો સમય હતો.. પરંતુ દર્શન થયા.. ૯.૩૦ વાગે.. અને ઉમરેઠ માં સૃષ્ટી ધરાવતા પંચમ પીઠાધીશ્વર શ્રીમદ વલ્લભાચાર્યજી પણ પધાર્યા હતા. મોડું થયું ..પરંતુ જયારે દર્શન ખુલ્યા … ફરીથી એક જ શબ્દ..વાહ .. અદભૂત . મહારાજશ્રી ની હાજરી .. ઉપરાંત ત્રણે મંદિરના ઠાકૂરજી .. અને પુરુષોત્તમ માસ.. વાહ.. અલૌકીક દર્શન થયા..

બસ પ્રભુજીની આવીને આવી કૃપા બની રહે … અને દર્શનનો લાભ મળતો રહે.. તેવી પ્રભુને પ્રાર્થના કરું છુ..

Kali mein jeevan VALLABH prakate,,
gati na huti je kahuun adhaman ki, ab sab paap kate,||1||kari jo krupa dhar ke kar mastak, kine apne daas,
ye sakshaat puran purushottam das RASIK bhali aas, ||2|| ( this kirtan is forwarded by Dr. Lalita Palep from Kirtan-Kinjh, ),,jai shri krishna,,!!

(this Kirtan is forwarded by Dr. Lalita Palep,, from kirtan-kunjh ) Jai Shri Krishna sau Vaishnavo ne,,

શ્રી મહાપ્રભુજી.

આ બ્લોગમાં નવી પોસ્ટ લખવાનું સૌભાગ્ય પ્રાપ્ત થયું છે. અને જોગાનુજોગ આજ રોજ શ્રી મહાપ્રભુજીનો પ્રગટ્ય મહોત્સવ છે.. ચૈત્ર વદ ૧૧ .. આજના દિવસે શ્રી મહાપ્રભુજીનું પ્રગટ્યા થયું હતું..
પુષ્ટિમાર્ગના પ્રણેતા… શ્રી મહાપ્રભુજી.. જેમનું પ્રાગટ્ય મીતી અનુસાર આજે થયું હતું. જે નિમિત્તે આજરોજ ઉમરેઠ ગામમાં મંદિરેથી શોભાયાત્રા નીકળી હતી..

શ્રી મહાપ્રભુજીના ઠાઠમાઠ વડે વૈષ્ણવો ચકાચોંધ થઇ ગયા..

શોભાયાત્રાની ઝલક..

શીભાયાત્રના આનંદમાં મશગુલ વૈષ્ણવો.. આ મહોત્સવને ખૂબજ ઉત્સાહ સાથે ઉજવી રહ્યા છે.

આપ સર્વે વૈષ્ણવોને ફરીથી આ પ્રસંગની વધાઈ આપું છુ..જય શ્રી કૃષ્ણ..

બ્લોગ શરુ કરવાની સાથે જ વધાઈ આપવાની હોય એ વાતનો આનંદ જ ઓર હોય છે. પન્ચમપીઠાધીશ્વર પ્.પુ.૧૦૮ જગદગુરુ શ્રી વલ્લભલાલજી મહારાશ્રી નો પ્રાગટ્ય દિવસ કે જે ફાગણ સુદ ૩ છે. તો હું આપને વધાઈ સાથે જણાવવા માંગું છું કે આ વખતે તેમનો પ્રાગટ્ય મહોત્સવ ધામધુમથી આણંદ ખાતે હાર્ટ કિલર ગ્રાઉન્ડ પર ઉજવવામાં આવનાર છે. ત-૧૬-૦૨-૨૦૧૦ ની રોજ આવતા આ પ્રસંગ ની ઉજવણી ની શરૂઆત તી ૧૧-૦૨ -૨૦૧૦થી ત-૧૭-૦૨-૨૦૧૦ સુધી થનાર છે. તો આવા સુંદર પ્રસંગનો લાભ વૈષ્ણવો ન લે તો જ નવાઈ ….
પંચમપીઠાધીશ્વર પ્.પુ.૧૦૮ શ્રી વલ્લભલાલજી મહારાજશ્રી હાલના એકમાત્ર ગોસ્વામી બાળ છે જેઓને જગદગુરુ ની ઉપાધી મેળવેલી છે. તે વૈષ્ણવો માટે ગૌરવની વાત છે. તદુપરાંત તેઓ રાજસ્થાન સરકારના મંત્રીમંડળનો માનદ હોદ્દો પણ ભોગવી ચુક્યા છે. અને તેઓને ગત વર્ષે જ્ બીકાનેર ખાતેની હવેલી જે રાજસ્થાન સરકારના તાબામાં હતી તે પરત સોપવામાં આવી છે અને વૈષ્ણવો માટે તે એક આનંદનો અવસર બની ગયો. જેને ધામધુમથી ઉજવીને સૌ વૈષ્ણવોએ યાદગાર બનાવી દીધો હતો. તેઓ શ્રી ઇન્ટીરીયર ડેકોરેશનના નિષ્ણાત છે. અને તેની ડીગ્રી પણ તેઓએ મેળવેલી છે. અને આપ સૌ હાલ માં જે ઇન્ટીરીયર ડેકોરેશન તેમની વિદ્યાનગર ખાતેના મકાનમાં તથા નંદાલય હવેલી ખાતે જુઓ છો તે તેમની આવડતનો જ્ એક નમુનો છે.